Stuttir fyrirlestrar

Snjólaug Ólafsdóttir sjálfbærniráðgjafi hjá Andrými ráðgjöf býður uppá staka fyrirlestra sem taka um klukkustund, fyrirlesturinn eru 40 mínútur og reikna má með 20 mínútum í spurningar og umræður, sem geta oft orðið skemmtilegar og líflegar. Í öllum fyrirlestrum er ákveðið málefni í brennidepli og sjónarhornið hvað einstaklingar og fyrirtæki geta gert til að leggja sitt af mörkum. Fyrirlestrarnir henta alls konar hópum; bókaklúbbum, félagasamtökum, saumaklúbbum og vinahópum. Þessi fræðsluerindi er hægt að fá t.d. í hádegishléi fyrir fyrirtæki.

Fyrirlestrarnir eru þessir:

  • Upptekni umhverfissinninn. Hvernig er hægt að sinna umhverfismálum í nútímalífi? Hver hefur tíma fyrir slíkt?
  • Hringrásarhagkerfið – endalaust að flokka og skila? Til hvers að vera að flokka og skila? Skiptir þetta einhverju máli í stóra samhenginu?
  • Sjálfbær jólahugvekja. Hvernig getum við notið jóla án loftslagskvíða og neysluskammar?

Ef þú hefur áhuga á að fá fyrirlestur frá Andrými ráðgjöf, hafðu samband.

Námskeið

Auk fyrirlestra býður Snjólaug upp á stutt námskeið. Þar er fræðslu og stuttum æfingum blandað saman þar sem allir, hver og einn fyrir sig, þurfa að skoða sig út frá viðfangsefninu.

Þá er einnig boðið uppá lengri námskeið þar sem við byrjum á fræðslu og förum í hagnýtar æfingar fyrir fyrirtækið. Við kortleggjum möguleg vandamál og förum í hugarflug að lausnum og breyttum verkferlum. Þau námskeið eru frá 4 tímum eftir viðfangsefni og fjölda starfsfólks.

Til þess að fá verð á námskeiðum eða taka samtalið um hvaða námskeið hentar þínum hóp, þá er velkomið að hafa samband.

Samfélagsstefna og sjálfbærnimarkmið

Fyrir fyrirtæki er boðið uppá stefnumótun og innleiðingu samfélagstefnu og sjálfbærni. Kynntu þér málið.